Tuialhthei leh LPG renchem turin mipuite ngen

Food, Civil Supplies and Consumer Affairs Department chuan sawrkar laipui thupek angin tuialhthei leh eirawngbawlna Gas renchem turin mipui te an ngen.

Mipuite hnena ngenna an tihchhuah ah FCS&CA Department chuan Sawrkar laipui Ministry of Consumer Affairs chuan sawrkar laipui Ministry of Petroleum & Natural Gas atanga thu an dawn angin tunlai hian ram pumah eirawngbawlna gas leh tuialhthei hman tur India in chhekkhawl tha mahse, tun dinhmunah Middle East-a indona thleng mek avanga harsatna an tawh loh nan mipuite chu eirawngbawlna Gas leh tuialhthei renchem a tul tih an sawi a ni. 

Supply department chuan tunah hian a pangngaiin tuialhthei leh eirawngbawlna Gas lakluh reng a nih thu an sawi a, a bikin tuialhtheiah thlaphanna tur a awm lo tih an sawi a. Hetihrual hian tunlai boruak avanga engpawh thleng thei a nih avangin sawrkar laipuiin lakluh theih zat bituk a siam tih an sawi a. Engpawh thleng se harsatna tawh loh nan tun atanga inremchem a pawimawh tih an sawi a ni.