PM-JUGA hnuaiah khaw 12-ah Homestay sak tum

Zonuna Kawlni /

Pradhan Mantri Janjatiya Unnat Gram Abhiyan (PM-JUGA) hnuaiah Mizoram-a khaw 12-ah man chawia riahna, Homestay sak tum a ni.

Assemby Session neih meka ziaka zawhna chhangin Tourism Minister Lalnghinglova Hmar chuan he thu hi sawiin, PM-JUGA hnuaiah hian Homestay sakna atan Detailed Project Report chu sawrkar laipui, Ministry of Tourism portal-ah nikum August ni 7 khan thehluh a nih tawh a. PM-JUGA hnuaia Homestay sakna turin khaw 12 thlanchhuah a ni a. Chhung khua te chu Sialsuk, Sailam, Chhuanthar Tlangnuam, Hmuntha, Ngentiang, Leng, Cherhlun, Pangzawl North, Tuipui D, S. Vanlaiphai, Darzo leh Sangau a ni a. He Scheme hnuaiah hian Homestay pakhat sakna turin cheng nuai 5 zel sawrkar laipuiin a ruahman tih a sawi a. A project hi Ministry lam chuan an la sanction loh thu leh sum pawh an la tihchhuah loh thu a sawi a ni. 

PMJUGA hi India sawrkarin ramchhunga Tribal tamna khaw hrang hrangte hmasawnna tur a duan a ni a. India ram puma PMJUGA atana sum hman tur hian cheng vbc 79,156 a ruahman a. PMJUGA hian India ram chhunga District 549 leh Block 2,740 te a tuam dawn a. He Scheme hnuaia hmalakna hrang hrang zingah Tribal awm tamna khaw hrang hranga khualzin hip deuh tura ngaihah te man chawia khualzin te an riah theihna tur 'homestay' hi a tel a. He hmalakna hnuaiah hian Mizoram chhunga khaw 12-ah te hian Homestay pakhat theuh duan a nih ve theih nan sawrkar chuan sawrkar laipuiah rawtna, proposal hi a kalphung mumal tak zawmin a thawn ve a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »