Thenzawl-ah International Day of Forests hman a ni
International Day of Forests pual hian Thenzawl Forest Division chuan JNV Thenzawl-ah hun hmangin he hun hmanpuitu Thenzawl DFO Dr. R. Lalnungrenga chuan kan chhehvela Pathian thilsiam te nen inrem taka awmho dan kan zir a tul thu leh tui thianghlim in tur kan neih reng theih nan kan ramngaw te kan venhim a tul thu a sawi a. Kan chenna khawvel hi Pathian in mihring te chauh chenna atan a siam a ni lo tih sawiin, thil-siam dang te nen kan chenho na tura Pathian in a siam a ni tih a sawi bawk a ni.
.jpeg)
International Day of Forests puala hun hman ah hian Thenzawl Forest Division-a thawktute leh JNV School naupang te bakah Faculty te telin Thenzawl Forest Range-a RO, Zirtluanga Hnamte pawn thu sawi bawkin kan ramngaw leh nungcha te hi kan venhim a tul thu leh pawnlam mite mit ti tlaitu anih zia te leh kumin-a he ni thupui ‘Forests and Economics’ anih ang taka kan ramngaw te hi kan economy ti thangtu atana kan hman a tul tih a sawi bawk a. JNV Thenzawl Principal Anish P pawhin thu sawiin, he ni puala hun hman hi a khar a ni.
Kum 1971-a 23rd General Assembly of the European Confederation of Agriculture chuan ‘ramngaw humhalh pawimawhzia inzirtirnan khawvel pumah World Forestry Day hman nise’ tia a rawtna chu 1972 khan United Nations Food & Agriculture Organization (FAO) chuan a pawm a, kumtin March ni 21-a hman turin a rel ta a. Hemi atang hian kumtin March 21-ah International Day of Forests (World Forestry Day) hi thupui hrang hrang neiin hman a ni ta a, kumin hian ‘orests and Economies’ tih thu thupui atan hman a ni.
Comments
Post a Comment
I ngaihdan i sawi hian mipui ngaihdan i tarlang a ni!