Special Intensive Revision (SIR) chungchang hrilhfiah

Zonuna Kawlni /

Serchhip District-ah Special Intensive Revision (SIR) nei turin inbuatsaihna kalpui mek a ni a, hemi chungchangah hian nimin khan District Bawrhsap Paul L. Khuma chuan Political Party leh tlawmngai pawl te chu he hmalakna chungchang hi a hrilhfiah.
 Serchhip DC Meeting Hall a he hun hman ah hian Bawrhsap leh District Election Officer Paul L. Khuma chuan kan hma lawka Special Intensive Revision lo awm tur chungchang hrilhfiahin SIR-ah hian kum 2005 atanga kum 2026 thlenga Electoral Roll siamdik/siamthat tur a ni dawn a. tlawmngai pawlte leh Political Party te chu Mizoram leh Mizo hnam tana Rlectoral Roll felfai tak kan neih theih nan thawhpuiah a sawm nghal bawk a ni.

He hunah hian Election Officer Lalchhanhimi chuan SIR kalpui dan tur chu a chinchhuakin a tarlang a. Block Level Officer (BLO) te chuan an Bial chhunga In tinah lutin an endik (house to house verification) vek dawn tih a sawi bawk. Nimin-a he hun hman ah hian YMA, MUP leh MHIP aiawhte bakah Political Party hrang hrang aiawhte an tel a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »