Serchhip-ah Livestock Insurance kick-off neih a ni
AH&Vety Department leh National Insurance Company Ltd. te tangkawp buatsaiha District AH&Vety Office, Serchhip-a he hun hman hi Serchhip DVO, Dr. H. Vanlalrawna chuan hman-puiin sawrkar in ranvulhtute tana sawrkar in ran vulhtute tana Insurance a ruahman dan tlangpui a sawi hnuah Livestock Insurance kick off-na hun a hmang a, hemi hnu hian National Insurance Corporation (NIC) atangin Anthony chuan he hmalakna chungchanga ranvulhtute tana hriat tur pawimawh hrang hrangte a zirtir nghal a ni.
Ranvulhtu zingah an ranvulh te tana Insurance ti duhte tan hian Proposal Form, Vaccination Certificate, Geo Tagged photograph with date – 4 (Ear Tag No lang leh a ran chiang taka lang), Soundness Certificate leh Beneficiary Aadhaar Card/PAN Card/Voter ID bakah MNREGA Card/Ration Card te thiltel a ngai a. Natna avang emaw, accident avang emaw a ran a thi anih chuan darkar 24 chhungin emaw, Office kal ni (working day) hmasa berah Insurance Office hriattir tur a ni a, document leh tul dang thehluh nghal tur a ni ang.
Natna avang emaw, accident avanga emaw-a ran thi (Death) tan zangnadawmna a hmuh theih laiin Claim atan document tarlan te a kim loh avang te; Raicheh a ran thi le ran bo ah te; Ran insualtir avanga thi ah te; Vaccination Certificate chu ran thih laiin a nun (valid) loh avang te; Ran a thih atanga ni thum (3 working days) chhunga Insurance Office te hriattir a nih loh avang leh Ran phurh kual laia a thih avang bakah Waiting period - Insurance a nun ni atangin ni 21 chhung a natna avanga ran thi chu a huam lo avangin heng ah hian zangnadawmna hmuh theih a ni lo thung a. Heng baka Insurance chungchanga hriat tur pawimawh hrang hrangte tarlan a ni bawk.
Comments
Post a Comment
I ngaihdan i sawi hian mipui ngaihdan i tarlang a ni!