Serchhip District-ah Vawk lakluh khap zui zel a ni
Hemi chungchanga nimin, March 20, 2026-a Serchhip District Magistrate Paul L. Khuma’n thupek a tihchhuah a tarlan a nih danin tunlai hian Serchhip Veng thenkhat ah African Swine Fever (ASF) avangin Vawk thi leh Vawk damlo hmuh a nih thu leh Serchhip District chhunga ASF hri hi a darh zel loh nan Section 163 of Bharatiya Nagarik Suraksha Sanhita, 2023 tlawhchhanin khapna thupek tih-chhuah a nih thu a tarlang a. Hemi ang hian Serchhip District chhungah ramdang (Foreign countries), State dang leh District dang atangin Vawk, Vawksa leh Vawksa atanga siam thil reng reng lakluh leh thawnchhuah khap a nih thu te; Serchhip District chhunga khua leh khua, Veng leh Veng te Vawk inlak pawlh khap tlat a nih thu te; Vawk damlo reng reng talh leh hralh khap tlat a nih thu leh Vawk damlo chu dah hran vat tur a nih thu te; Vawk damlo leh thi reng reng chu AH & Vety Department thawktu te hnenah hriattir vat tur a nih thu leh Vawk thi reng reng uluk takin Disinfectant nen thuk taka phumbo tur a nih thu te tarlan a ni.
Serchhip District Magistrate in nimin-a thupek a tihchhuah hi thu leh awm hma chu Order chhuah a nih atanga thla 2 (hnih) chhung huam tur niin thupek zawm lo chu Section 223 of Bharatiya Naya Sanhita, 2023 dan hmangin hrem theih an nih tur thu te pawh tarlan a ni bawk.
Comments
Post a Comment
I ngaihdan i sawi hian mipui ngaihdan i tarlang a ni!