Sawhthing lei thlai dang lei tawh dan tarlang

Zonuna Kawlni /

Mizoram sawrkar chuan kum 2024 atanga 2026 January thla thleng khan Sawhthing leina atan cheng vbc. 141 chuang seng tawhin Sawhthing hralhna atangin cheng vbc. 12 chuang hmuh a ni tawh bawk.

Mizoram Legislative Assembly thutkhawm neih mekah Tuirial Bialtu MLA K. Laldawngliana zawhna ziaka chhangin Agriculture Minister PC. Vanlalruata chuan kum 2024 atanga kumin 2026 January thlenga thlai thar lei tura thlan bik sawrkarin a lei dan a tarlang a. Hemi hun chhung hian sawrkar chuan Sawhthing quintal 3,40,098 lei nan Rs. 141,16,84,410 a seng a, heng Sawhthing lei te hralhna atang hian Rs. 12,78,07,290 hmuhlet a nih thu a tarlang bawk.

Sawhthing bakah hian Hmunphiah ro quintal 2,497 chu ZOHANDCO kaltlangin lei a nih thu Minister chuan tarlang bawkin Buhhum quintal 4,156.8 chu Rs. 124,69,860 lei a nih tawh thu a tarlang bawk a. Kumin ah thlai chi nga (5) lei tum a nih thu a tarlang bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »