Ranchaw-a intodelh turin hmalak mek a nih thu sawi

Zonuna Kawlni /

AH & Vety Minister C. Lalsawivunga chuan ranchaw-a intodelh tura hma an lak thu a sawi.

Assembly Session neih mekah MNF Member Lalchhandama Ralte zawhna chhangin AH & Vety Minister C. Lalsawivunga chuan Lengpui-ah Animal Feed Plant siam mek a nih thu sawiin, “Hemi siamna tur hi SASCE atangin cheng vbc 4.65 leh RIDF-XXVIII atangin cheng vbc 7.5, a vaiin cheng vbc 12.15 hmuh a ni,” a ti a. Maize (Vaimim) leh Soyabean (Bekang) Contract Farming pawh Handholding Scheme hnuaiah Saitual, Khawzawl leh Champhai District-ah te cheng vbc. 4.08 project kalpui mek a nih thu sawiin, “NLM 25-26 hnuaiah cheng vbc. 3.0265 hmuh a ni a, Thenzawl, Hnahlan, Sailulak leh Aizawl District chhunga Mimal leh Society hrang hrangah te kalpui tur a ni a, Thenzawl leh Hnahlan atan hian tender chhuah mek a ni,” a ti.

AH & Vety Minister chuan Lungpuizawl leh Mampui Vety Farm-a Ar awpkeuna te chu tun dinhmunah chuan a function lo tih a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »