PYD Day pualin hnatlang nei
PYD te hian an dinchampha hi vantlang tana thil tha tihna ni atan an hmang thin a, kumin hian Biak Inpui PYD te chuan District Hospital Serchhip hmunhma tihfai hntlang neiin he hnatlang ah hian PYD Member mi thahnem tak thawkchhuakin Damdawi In kawt leh a vela bawlhhlawh awm te an tifai a ni.
UPC (NEI)-ah hian tunhma lamin Tual-chhung Kohhran-ah thalaite hi lo ding tawh mah se kum 1969 March ni 21-a Executive Board rorel inkhawm hmasa ber, Peak Hotel, Shillong a neihah United Pentecostal Church of North East India pumpui huap General Youth Department din a ni a. Chu chu India ram pum rorelna pakhat hnuaia an awm lai niin North East India Unit a din hnuah a hming thlakin ‘Pentecostal Youth Department’ tia koh a ni ta a. March ni 21 1969-ah General Youth Department din anih avangin PYD Day pawh kumtin March ni 21-ah hman thin a ni.
Serchhip Bial PYD te chuan PYD Day pual hian Zirtawpni khan Serchhip Blood Bank-ah a mamawh apiangte hman turin a thlawnin thisen Unit 10 an pe bawk a, tun tumah hian mipa 7 leh hmeichhia 3 ten thisen an pe a ni.
Comments
Post a Comment
I ngaihdan i sawi hian mipui ngaihdan i tarlang a ni!