PMUY chungchang tarlang

Food, Civil Supplies & Consumer Affairs Department chuan thuchhuah siamin PMUY connection pek chhuah theih hun chhung chu March 31, 2026 thleng chauh hawn a nih thu tarlangin, PMUY connection diltu, anmahni-a online-a dilna thehlut theilo te chu LPG Distributor in an buaipui vek tur a nih thu a tarlang a. PMUY connection diltu awm lai ngeiin Gas Distributor ten an buaipui nghal tur a nih thu leh e-KYC document endik, biometric leh dilna kimchang te a diltu awm lai ngeiin an tifel tur niin receipt an pe nghal ngei tur a ni tih a tarlang a. “Hmun hla tak leh sum leh pai tarn tak senga rawn kal khawsak harsa tak tak te PMUY connection diltu te chu a tul tawpkhawk ah lo chuan Gas Distributor ten kal nawn ngaiin an siam tur a ni lo,” tiin LPG Distributor zingah he thupek ngai pawimawh lo an awm chuan danin a phal chinah an chungah khauh taka action lak a ni ang tih a tarlang bawk.