Multipurpose Indoor Hall hawng

Zonuna Kawlni /

Aizawl North-I Bialtu MLA leh PWD Minister Vanlalhlana chuan Inrinni khan Durtlang North-a Multipurpose Indoor Hall sak thar chu hawngin Sports Minister Lalnghinglova Hmar chuan he hun hi khual zahawm niin a hmanpui bawk a ni.

He hunah hian PWD Minister chuan a bial chhunga Multipurpose Indoor Hall an neih theihna tura Sports & Youth Services Minister leh Department-a thawktute hmalakna chu fakawm a tih thu sawiin, thalaite tan sawrkar inpekna leh talent nei thate chherchhuah a tumna a lantir tih a sawi a. Infiamna lama Mizo thalai tam zawk kan kaltir theih chuan ruihhlo bawiha an tan hmain kawng tha zawk an zawh theih a beisei thu a sawi bawk.

Durtlang North-a Multipurpose Indoor Hall hi Ministry of Youth Affairs & Sports hnuaia Khelo India Scheme hnuaia sak a ni a, a project cost chu cheng nuai 450 niin November 21, 2023 khan Administrative Approval hmuh a ni a, a sakna hmun hi Durtlang North Local Council ten khawtlang leh Sports hmasawnna atan tiin phal takin Mizoram State Sports Council kutah Land Lease an hlan a. Hnathawktu atan Lushai Engineers, Ramhlun, Aizawl chu thlan an ni a, March ni 18, 2024-ah hnathawh bul tan niin February ni 23, 2026 khan zawhfel a ni.

He Multipurpose Indoor Hall hi a dung metre 46 leh a vang metre 20 a ni a, a Hall san zawng hi metre 9 nii, a chung sang lai ber hi metre 12 a ni. A sir tawn tawnah mi 200 vel thut theihna tur Spectator Gallery leh VIP Gallery siam a ni a, he Gallery hnuaiah hian players’ Changing Room 2, Official Room, VIP Rest Room, Medical Room leh Store Room bakah mipa leh hmei-chhia tan a hranin inthiarna siam a ni a. Sports Discipline hrang hrangte hman theih turin a chhuat pawh 7 mm-a chhah PVC Vinyl Sports Flooring phah chhuah vek a ni a. Volleyball Net pole leh Net dah tel a nih bakah, building hmalam tual-zawl pawh PCC Flooring-a siam nghal a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »