Mi 2,255 hnenah Chief Minister’s Special Package pe

Zonuna Kawlni /

Sawrkar Flagship programme, Chief Minister’s Special Package hnuaiah Progress partner mi 2,255 hnenah tanpuina pek a ni tawh.

    Assembly Seasion neih mekah Lalchhandama Ralte zawhna ziaka chhangin Planning & Programme Implementation Department changtu, Chief Minister Lalduhoma chuanChief Minister’s Special Package hnuaia Progress Partner tanpuina dawngte hi an project mil zela Rs. 1,00,000 thleng pek an ni tih sawiin, tanpuina sum an dawt zat chu project azir a ni tih a sawi a. Hand Holding Scheme hnuaiah February 10, 2026 thlengin Phase I leh Phase II-ah dilna 12,024 a lut tawh tih sawi bawkin heng zingah hian mimal 385 leh pawl panga in loan an hmu tawh tih a sawi bawk a. Chief Minister’s Special Package hnuaia tanpuina sum pekchhuah chu ‘Grant in aid’ a nih avangin rulh leh a ngai tawh lo tih tarlan a ni bawk.   

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »