MUHCS-ah State pawn-a inenkawlna atan senso a tam

Zonuna Kawlni /

Mizoram Universal Health Care Scheme (MUHCS) hnuaiah State pawn/phai lama damlo tirh (referred)-te inenkawlna senso atan Rs. 32,34,79,942 sen a ni tawh.

Mizoram Legislative Assembly Session neih meka MLA-te zawhna chhangin Health & Family Welfare Minister Lalrinpuii chuan State pawna inenkawlna atan hian damdawi In pawm (empanelled hospital) 33 a awm tih sawiin, heng zinga 21-ah hian damlo refer an ni tawh tih a sawi a. Heng Empanelled Hospital-ah hian February 13, 2026 thleng khan damlo 1,919 refer an ni tawh tih a sawi.

Zawhna dang chhangin Health Minister chuan MUHCS hnuaiah hian February 12, 2026 thleng khan Rs. 1,26,40,98,405 pekchhuah a ni tawh tih sawi bawkin chawhrualin damlo pakhat tan Rs. 15,106 seng ang an nih thu a sawi a ni.

February 12, 2026 thleng hian MUHCS hnuaiah mi 83,682 enkawl tawh an ni tih a sawi bawk a. Mizoram chhunga Non-Empanelled Private Hospital-ah damlo emergency-a kal, an Bill reimbursement sawrkarin a pek sak mi 3,121 an awm tih sawi bawkin chawhrualin mi pakhat tan Rs. 44,601 seng ang a nih thu a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »