MUHCS-ah Private Damdawi In leh sawrkar an la inrem thei lo

Zonuna Kawlni /

Mizoram Universal Healthcare Scheme (MUHCS) zawm duha sawrkar dawrtu Mizoram chhunga Private Damdawi In 13 leh sawrkar chuan damlo enkawlna leh a kaihhnawih man chungchang ah inremna an la nei thei lo.

Mizoram State Healthcare Society (MSHCS) hotute chuan Akashvani News Aizawl zawhna chhangin, nikum kumtawp lama MUHCS zawm duhtu Mizoram chhunga Private damdawi In 13-te indawrna an la neih mek thu an sawi a, Private damdawi In ten sawrkara an rate duh ang an thehluh chu sawrkarin rate a siam dan (Package System) nen siamrem theih a nih loh thu an sawi.

MUHCS hotute chuan Private damdawi In te hian an rate neihsa atanga zaa 10-a hniamin MUHCS an kalpui theih thu an thehlut tih an sawi a; hei hi sawrkar Package System nen a kalphung a inan loh avangin siamtha leh turin an ngen a, rate an duh dan an siamthatna hi Private Damdawi In te hian sawrkarah an la thehluh rih loh thu an sawi a ni. 

Mizoram sawrkar chuan tun thla (April) ni 3 khan MUHCS kalpuitu damdawi In hrang hrang hnenah damlo enkawlna senso atan cheng vbc. 8.19 an pechhuak a, heti hian nikum April ni 1 atanga tun thla ni 3 thleng khan sawrkar chuan MUHCS kalpuitu damdawi In te hnenah damlo 1,02,188 enkawlna senso atan cheng vbc. 156.35 an pechhuak tawh a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »