Mizoram-a RTI hman atangin dilna 40,250 lut tawhin kum 2024-2025 ah dilna lut a tam ber

Zonuna Kawlni /

Kum 19 kalta, kum 2006-2007 atanga kum 2024-2025 inkar chhung khan Mizoram-ah Right to Information (RTI) Act hmanga hriat duh dilna lut 40,250 a awm tawh a. RTI Dan hmang tangkaitu hi an pung chho zel nia langin kum 2024-2025 kha kum khat chhunga he Dan hmanga dilna lut tam ber kum ala ni.

Mizoram Information Commission-in 19th Annual Report 2024-2025 an tihchhuah atanga a lan danin Mizorama RTI hman tan, kum 2006 atanga nikum, March 31, 2025 inkar chhung khan RTI hmanga information dilna 40,250 a lut tawh a. Hei bakah 1st Appeal dilna 730, 2nd Appeal dilna 197 leh Complaint 160 a lut tawh bawk a ni. Report atanga a lan danin kum 2008-2009 kha RTI hmanga thil hriat duh zawhna lut tlem ber kum niin 177 a lut a, kum 2024-2025 kha a tam ber kum niin 7,394 a lut a ni. RTI hmangtuten an thil dil zingah hian Directorate-a dilna tam berin 3,005 a tling a, Secretariat atanga information dilna 2,682, District thuneitute hnena dilna 1,381 leh a dang 326 a awm bawk a ni.

Kum 2024-2025 bikah hian ziaka RTI hmanga information dilna 2,700 a lut a, heng zinga 2,541 chu Mizoram chhunga mi niin 159 chu State pawn atanga lut a ni a. RTI online hmangin dilna 4,694 lut a awm bawk a, heng zinga 4,615 hi Mizoram chhung atanga dilna niin 79 chu state pawn atanga dilna a ni thung a. Kum 2024-2025 chhunga RTI dilna lut 7,394 atang hian chhanna 7,205 pek a ni a. Heng te hi Directorate-a lut 3,005 atangin 2,896, Secretariat atanga information dilna 2,682 atangin 2,630, District-a dilna 1,381 atangin 1,369 leh hmun danga lut 326 atangin 310 te an ni a. Zawhna lut atanga chhanna pek zat hi 97.44% a tling a. RTI zawhna dawng zingah hian District Level-a lut ten chhang tha berin an chhanna rate hi 99.13% a ni a, Secretariat Level-in dawtin 98.06% a ni a, Directorate Level chu pathumna niin 96.37% leh a dang (commission, board etc) ten an chhan zat chu 95.09% a ni.

Report atanga a lan danah Mizoram chhunga Directorate, Secretariat, Board, Block etc. Office 258-ah RTI hmangin Information dil theih a ni a. Tun dinhmunah SAPIO 403, SPIO 432 leh DAA 226 an awm a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »