Hmun 62-ah zirtirtu quarters sa

Tuna sawrkar dinglai mek hnuaiah Zirtirtute chenna tur (Teacher Quarters) hmun 62-ah sak hna kalpui mek a ni a, Samagra Shiksha hnuaiah pali sak a ni bawk. Assembly Session kal mekah East Tuipui Bialtu MLA Ramthanmawia zawhna ziaka chhangin School Education Minister chuan Directorate of School Education hnuaia Teacher Quarters sak hna thawk tur hian MAMCO Ltd. Aizawl thlan an ni tih sawiin, an inremna (agreement amount) chu Rs. 30,63,73,412 a ni tih a sawi a. MAMCO hi Restricted Tender hmanga thlan an ni tih a sawi bawk. Samagra Shiksha hnuaia Teachers Quarters-te hi Samagra Shiksha Financial Management and Procurement 2024 phalsak angin Departmental anga sak an ni tih a tarlang bawk.