Mizoram Polytechnic luah man Court in chawi tir lo

Higher & Technical Education Minister Dr. Vanlalthlana chuan Mizoram Polytechnic Lunglei ram buai chungchangah ram luah man nge chawi turin High Court in tih a nei lo tih nimin-a Assembly zawhna leh chhanna hunah ZPM Member T. Lalhlimpuia zawhna ziaka chhangin a tarlang a. Mizoram Polytechnic Lunglei ram buai chu Sawrkar-in Official-a a hriat ni chu Petitioner in Civil Suit No.1 of 2012 Court-a a thehluh copy dawn ni, March 16, 2012 a nih thu pawh tarlangin, “High Court kalphungah hian Sawrkar in High Court-ah representation a thehlut thei lova, Sawrkar Ukil kaltlangin Affidavit a thehlut thin a. Kum 2021-2023 chhungin Sawrkar-in Affidavit thehluh a nei lo,” tiin High Court in ram luah man chawi tura tih a neih loh thu a sawi bawk a ni.