Miss Mizoram 2026-a Serchhip District aiawh tur puang

Zonuna Kawlni /

Miss Mizoram 2026 thlanna neih leh turah Serchhip District aiawh turin Serchhip Bazar Veng-a cheng Vanlaltanpuii chu thlan a ni.
 Miss Mizoram 2026 thlanna neih tura Serchhip District aiawh tur puanna hi nizan khan Serchhip Press Club-ah neih niin Serchhip Bawrhsap Paul L. Khuma chuan Miss Mizoram 2026 thlanna neih tura Serchhip District aiawh tur atan Van-laltanpuii hi thlan a nih thu a puang a, Serchhip District aiawh tura thlan a nih angin a chungah Serchhip District mipui ten beiseina sang tak an neih thu sawiin, inbuatsaihna hun a neih ang ang te tangkai taka hmang turin a chah a. Mite hmel-hriat a nih dawn tak avangin naupang zawkte tan pawha a nun uluk tura chahin, sang tak thleng turin duhsakna a hlan bawk a ni.

Nizan a he hun hman hi MJA (SD) President Kapliana Pachuau chuan kaihruaiin Zonet Cable TV-in Miss Mizoram 2026 thlanna a buatsaih turah hian District hrang hrang aiawh turte thlang tura District MJA-te hnena ngenna a thlen angin MJA, Serchhip District chuan Serchhip District aiawh tur hian Vanlaltanpuii an thlang a, District Miss atana thlante hian Audition hmachhawn lovin direct entry pek an ni a, Audition Round hi March ni 4-ah neih tan a ni anga, Grand Finale chu April ni 24-ah R Dengthuama Hall, Mualpui, Aizawl-ah neih a ni ang. 

Serchhip District Miss atana thlan LP. Lalsanglura fanu Vanlaltanpuii hi kum 24 mi niin, Serchhip Bazar Veng-ah cheng mekin a nu chu Lalremruati a ni a, zirna lamah Serchhip-ah pawl 10 thleng zirin, Goodwill English Academy, Little Flower Convent School leh Marian High School-ah te a kal thin a, pawl 11 leh 12 hi Baptist Higher Secondary School-ah zo in, Higher & Technical Institute - Mizoram (HATIM), Lunglei-ah Bachelor of Social Work (BSW) a zo leh a, tunah hian Serchhip District Child Protection Unit hnuaia Child Helpline Unit-ah a thawk mek a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »