MIFCO in kumin ah Sapthei leh Lakhuihthei lei dawn

Zonuna Kawlni /

Mizoram Food & Allied Industries Corporation Limited (MIFCO) Board of Directors Meeting vawi 100-na chu Zirtawpni khan MIFCO Chairman Lalthazuala Rawite hovin a Pisa-ah neih a ni.
 He hunah hian MIFCO Chairman Lalthazuala Rawite chuan, “Kum 2026 hian Sapthei tui leh lakhuihthei tui sawr bakah Serthlum tui sawr tum a ni a, Baibing leh Rawtuai Tin hralhchhuah tur khawp siam kan tum bawk. Zin mite tan engemaw harsatna an tawh pawha riah theihna tur mikhual room chu Chhingchhip-a MIFCO hmunah siam a ni tawh a. Kum 2026-ah Sapthei Rs.45/- per Kg. in kan lei dawn a, Lakhuihthei hi Rs.18/- per kg. in kan lei bawk ang,” tiin tun atanga hun reilote ah Sapthei leh Lakhuihthei tuite dawra zawrhchhuaha in nghal mai theih (Ready to serve) tura siam mek a nih thu a sawi bawk.

He huna tarlan a nih danin kum thum chhunga MIFCO Account audit chu pawm fel niin kum 2025-26 ah MIFCO chuan cheng nuai 14 zet hlep a nei a. MIFCO Recruitment Rules (RR) hman mek, kum 1993 atanga hman tawh chu siamthat turin pawmfel a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »