Lawngtlai-a Residential School inhlanna tur MoU ziak

Zonuna Kawlni /

Mizoram State Sports Council (MSSC) leh Lai Autonomous District Council (LADC) te chuan Lawngtlai-a Residential School inhlanchhawnna tur Memorandum of Agreement (MoU) chu nimin khan Sports & Youth Services Department changtu Minister Pisa-ah an ziak.

Nimin a MoU-ah hian MSSC aiawhin Secretary Henry C. Lalrawnkima leh Administrative Officer Amy Ramchhani te’n hming ziakin LADC aiawhin Executive Secretary K. Lalthanzara leh Lai House, Aizawl-a Deputy Resident Commissioner Lal-hminghlupuii Thangen te’n an hming an ziak a. He hunah hian Sports Minister leh MSSC President Lalnghinglova Hmar chuan Lai mipuiten tangkai taka he Residential School hi an hman an duh thu leh an hman ngei theih nan LADC kutah dah a ni tih a sawi a, “Mimal hlawkna emaw, politics khelh nan emaw a hmun leh bungrua te hman leh laksawn phal a ni lo,” tiin, thahnemngai leh duat taka enkawl turin LADC hruaitute chu a sawm nghal a ni.

Lawngtlai-a Residential School hi Pradhan Mantri Jan Vikas Karyakram (PMJVK) hnuaia MSSC-in cheng nuai 3461.7 senga a sak a ni a. Inremna ah hian neitu nihna leh a enkawl hna chu LADC kutah hlan niin anni hian a enkawl leh hman zui chungchangah thu an nei dawn a ni. Inremna a thu dah zingah hian District Sports Committee (Lawngtlai), Mizoram Football Association, Lawngtlai District Football Association leh Central Young Lai Association (CYLA) ten State emaw, District Level Tournament buatsaih nan an hman duh chuan man chawi lovin an hmang thei dawn bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »