Kum hnih chhungin Mizoram-ah ILP nuai thum chuang pe

Zonuna Kawlni /

Kum hnih (2) chhungin Inner Line Permit (ILP) pekchhuah 3,39,992 a awm a, heng ILP pekchhuah atanga sum hmuh zat chu Rs. 15,12,41,725 a tling.

Assembly Budget Session neih meka INC Member C. Ngunlianchunga zawhna Home Minister K Sapdanga’n ziaka a chhan danin, kum 2024 chhungin ILP pekchhuah 1,59,608 a awm a, kum 2025-ah 1,80,384 a awm bawk a. Heng kum hnih chhunga ILP pek chhuah hi 3,39,992 a tling a. Kum 2024 leh 2025 chhunga ILP pekchhuah atanga sum hmuh zat hi Rs. 15,12,41,725 a tling bawk. Heng kum hnih chhung hian Temporary ILP pek chhuah 3,17,807 a ni a, Regular ILP pekchhuah 22,185 a awm a. Hemi kum chhung vek hian ILP nei lo leh ILP thi tawh thawnkir mi 1,117 an awm bawk a ni.

Hetianga ILP hmanga hnamdangte Mizoram an luh mek lai hian Mizo Zirlai Pawl (MZP) hruaitute chuan kar kalta Thawhtanni, February 23, 2026 khan Aizawl Press Club-ah thuthar thehdarhtute kawmin, ILP chungchangah khauh lehzual turin sawrkar an ngen a, dan lova Mizorama hnamdang awmte thlavang hauh lo turin mipui an ngen bawk. February 21, 2026 khan MZP, College SU leh Hnampual hruaituten Aizawl khawpui chhung Kulikawn, Dawrpui (Bazar), Vaivakawn, Bawngkawnah te hnam dang (vai) dan loa lut an check a, ILP nei lo/fel lo 68 an man bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »