Farm-a Ar za riat chuang Ui in a sehhlum nia hriat a ni

Champhai District Khuangleng khaw daia John Lalrinchhana Ar vulhna, Steven Poultry Farming hmuna Ar vulh lai, White Leghorn 811 vel chu Zirtawpni zan khan Ui-in an seh hlum nia hriat a ni a, Ar dang 150 leh Ar note 37 bawr vel chin hriat lohin an awm bawk.

He thil thlen hun hi March 27, 2026 zan dar 9:00 a tuk, Inrinni zing dar 8:00 inkar vel a ngaih a ni a. John Lalrinchhana te hian an farm-ah hian Pathianni atanga Ningani zan thleng an naute an riah tir thin a, Seven Day Adventist Kohhran an nih avangin Zirtawpni zanah an khaw lamah an hawsan thin a. March 28, 2026 zing dar 8:20 vel khan John Lalrinchhana te nau ar chaw pe tura kal chuan Ar in a an luhin an Ar te chu an lo thi teuh tih a hmu a, an Thlam piahah Ui pathum hmu bawkin Ui hian an seh ni ngeia rin a ni.

Ar In-a lut Ui pathum-te hi Buang khua a mi pakhat ta nia hriat a ni a, Ui neitute hian Zirtawpni zan dar 7:00 vel khan an Ui hi Buang-ah an la awm thu an sawi a, Ui te hian zanah Buang atanga km 9 vela hla a he Ar vulhna hmun hi pan vang vang in Ar hi an sehhlum ta ni a rin a ni.