District Level PDNA Survey Team thutkhawm neih a ni
Serchhip DC Meeting Hall-a thutkhawm ah hian Bawrhsap, Paul L. Khuma chuan District chhunga chhiatna thleng te dik tak leh felfai taka chhinchhiah a pawimawhzia sawiin, Team Member te chu anmahni Department aiawhin thahnemngai taka thawkchhuak turin a fuih a, data dik leh rintlak an lakkhawm te chu chhiatna thleng hmachhawn dan tur Disaster Plan siam nan a tangkai hle dawn tih a sawi bawk a ni.
Disaster Management & Rehabilitation bultumin Post Disaster Needs Assessment hnuaiah kum 2021 atanga kum 2026 inkara chhiatna hrang hrang District chhunga thleng te data lakkhawm a ni a. Chung data te chu District tinah semchhuah leh niin heng te hi an kaihhnawih Department theuh ten a hmunah a dik ngei em tih finfiah nan an endik (verify) vek dawn a. He verification atan hian Serchhip District Survey Team for PDNA din a ni ta a ni. Nimin-a thutkhawmah hian Team Member te hi kohkhawm niin, an hmalak dan tur inhrilhhriatna hun an hmang a. P&E, Agriculture, CMO, PHE, PWD, RD, Horticulture, Irrigation, AH & Vety, Fisheries Department aiawhte te an tel a ni.
Comments
Post a Comment
I ngaihdan i sawi hian mipui ngaihdan i tarlang a ni!