District Water & Sanitation Mission thutkhawm neih a ni
Nimin-a Serchhip District Water & Sanitation Mission thutkhawm hi an Chairman leh Bawrhsap, Paul L. Khuma chuan kaihruaiin Member Secretary leh Sr. EE PHE, Er. Isaac Lalchhuanmawia chuan an hmalakna hrang hrang a tarlan bakah Jal Mahotsav chungchang a sawifiah bawk a. He Ccampaign hi March 8 atanga 22, 2026 chhunga hman tur a nih thu sawiin, he Program hnuaia hmalakna tur hrang hrang zingah Jal Arpan Diwas chu Vawiin, March 12, 2026 hian Serchhip District-a Hmawngkawn khuaa hman tum a nih thu te a sawi a, hei hi Committee chuan a pawmpui nghal a ni.
Hemi hnu hian Bawrhsap Paul L. Khuma chuan Jal Mahotsav hawnna nei zui nghalin, he Campaign chhunga hmalakna tur ruahman te a theih ang anga zawm turin Member-te a sawm a. PHE Department hmalakna hrang hrangte chhuan-awm a tih thu an inpekna fakawm a tih thu a sawi bawk a ni.
He hunah hian PHE Serchhip WATSAN Division-a Sr. EE, Er. Isaac Lalchhuanmawia chuan District Technical Unit din a nih thu te leh an hmalakna khaw tinin Jal Seva Aankalan kaltlanga Village Self-Assessment an tih an lo enfiah tawh dan leh issue hrang hrang an neih te tarlangin, heng an harsatna neih chhan leh a chinfel dan tur ruahmanna, District Improvement Plan an siam te PowerPoint presentation hmangin a tarlang a. Member kalkhawmte chuan District Improvement Plan hi District Technical Unit (DTU) lam hian kimchang leh zual zawkin lo buatsaih se tiin an rel a ni.
Nimin March 11, 2026 kha ‘World Plumber Day’ a nih angin hun hman chhunzawm nghal a ni a, PHE Department hnuaia Plumber mi 9 te hnenah thilpek an hlan a ni.
Comments
Post a Comment
I ngaihdan i sawi hian mipui ngaihdan i tarlang a ni!