Vantawng leh Tuirihiau Project sawihona hun hmang

Nimin khan ‘Vantawng Tourism Project’ leh ‘Tuirihiau Project’ chungchang ngaihtuahin Irrigation & Water Resource Department (IWRD) leh Tourism Department hotute chu Secretariat Conference Hall-ah an thukhawm a, he thutkhawm hi Irrigation & Water Resources Department-a Secretary Lalrothanga chuan kaihruaiin Vantawng, Tuirihiau leh Buangpui-a Department pahnihte hmalakna tur Project Proposal zirchianna neih a ni a. Project pahnih ‘Vantawng View Aerial Ropeway & Associated infrastructure at Thenzawl & Buangpui’ tih leh ‘Vantawng-Tuirihiau Integrated Water Conservation and Eco-Tourism Project-te chu sawiho nghal a ni. Heng bakah hian Project pahnihte’n an ken tel tur hmalakna hrang hrangte, Project kaihhnawih hmalaknate insut buai loh dan tur leh thawktute tanho dan tur ruahmannate siam nghal niin, Project-te chu mipui vantlangin tangkai zawka an chhawr theih dan turte pawh sawiho nghal a ni bawk.