ChanchinTha thlen ni hmang

Nimin March 15, 2026 kha Mizoram Presbyterian Kohhran ni pawimawh, ‘Chanchin Tha thlen Ni’ niin Kohhran hrang hrangah he ni pual hian hun hman a ni.
    Mizoram-a Chanchin Tha thlen ni atana Presbyterian Kohhran ten an hman March 15 hi Mizoram-a Chanchin tha rawn puang hmasa bertu Rev. William Williams-a’n Mizoram a rawn thlen ni champha a ni a. Rev. William Williams hi Khasi rama Welsh Missionary niin Mizote chanchin a hriatin Mizote zinga Chanchin tha hril a duh a, Silchar DC remruatpuinain sipai ho ruala lo kalin Mizoram a rawn lut a, a hmasa ber atan Mizote zingah Krista Chanchin Tha a rawn puang a ni. Kum 2012 Synod Inkhawmpui chuan Rev. William Williams-a'n Mizoram a lo luh ni, March 15, 1891 chu Mizoram-a ‘Chanchin Tha Thlen Ni’ atan a pawm a, kum 2014 a\ang khan March 15 hi ‘Chanchin Tha thlen ni’ atan kumin an hmang chho ta a ni.