Serchhip-ah Mizoram Open Chess Championship khel zo

Zonuna Kawlni /

Serchhip District Chess Association (SDCA) buatsaih ‘Upa H. Zonuntluanga Memorial Mizo-ram Open Chess Championship 2026’ chu Inrinni khan New Serchhip YMA Hall-ah khelh zawh a ni.
 Kar kalta Ningani a\anga New Serchhip YMA Hall-a khelh ‘Upa H.Zonuntluanga Memorial Mizoram Open Chess Championship 2026’ ah hian Mizoram chhunga District hrang hrang atangin Chess khel thiam mi 46 an tel a, Open Category-ah Benjamin Lalhmingliana, Lunglei chu pakhatna niin lawmman ah Rs. 25,000/-, Trophy leh Citation a dawng a, Saingura Sailo, Kolasib chu pahnihna niin Rs. 15,000/-, Trophy leh Citation a dawn bakah pathumna Lalrinthanga, Lunglei chuan Rs. 7000/-, Trophy leh Citation a dawng bawk. Veteran Category-ah Zosangzuala, Serchhip chu Champion in Citation, Trophy leh Rs. 3000/- a dawng a, pahnihna Zailawma, Khawzawl chuan Rs. 2000/-, Trophy leh Citation dawngin pathumna Vanlalzarliana, Serchhip chuan Rs. 1000/-, Trophy leh Citation a dawng bawk a ni.

Upa H.Zonuntluanga Memorial Mizoram Open Chess Championship 2026 kharna hun hi SDCA Sr. Vice President Vanlalzarliana kaihhruaiin neih a ni a, Mizoram Chess Association (MCA) President Er.Lalchhuana chu khuallian niin H. Zonuntluanga (L) chhungte a\angin a nupui Liansangi chuan thu a sawi bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »