Bawrhsap hovin District Convergence Meeting neih a ni
.jpeg)
He thutkhawm Serchhip DC Meeting Hall-a neih hi Bawrhsap, Paul L. Khuma chuan kaihruaiin sawrkar Department hrang hrangte thawhhona hian sawrkar leh mipuite tan thil tha a chhuak thin tih a sawi a, Officer kalkhawmte chu thawhhona tha tak nei zel tura fuihin, “Tum thuhmun nei ten tang tlanga hna kan thawh hian sawt zawk leh awm ze nei zawkin hna a thawh theih a ni,” a ti a. An hmalakna atana thawktu hrang hrangte chungah lawmthu sawiin, thawhhona tha tak nen an thurel bawhzuina kawngah a hmawrbawkna tha tak leh hlawhtling tak an neih theihnan theihtawpa bawhzui turin kalkhawm te a sawm a ni.
He thutkhawm ah hian kumin January 29 a thutkhawm neih tuma an thurel bawhzui dan te ngaihthlak niin Women & Child Development Department-a District Programme Officer leh Member Secretary Lalthlamuani Rokhum chuan an thu rel tur hrang hrangte a tarlang a. District Prog-ramme Officer (DPO) Office tur hmun chungchang sawiho niin Additional DC kaihhruaina hnuaiah a hmuhhma tur P&E Veng lamah en tawh niin DLC Meeting-ah thlen leh tura dah a ni a. Leisang Veng a Anganwadi Centre chu a hmun sawn dilna a luh avangin sawihona neih a lo ni tawh a, AOC Veng lam en niin hei pawh hi la rel leh tura dah a ni bawk.
District Urban Development Office hmalakna in Angnwadi Centre sawm (10) tan bawlhhlawh bawm leisak an ni a. Hei hi hun remchang hmasa berah sem nise an ti a. Kut sil dan dik inzirtir chung-chang pawh DUDO te nena thawkhoin hmalak a ni dawn bawk a ni.
Comments
Post a Comment
I ngaihdan i sawi hian mipui ngaihdan i tarlang a ni!