AMC Inthlan chuh tum 68 awm

Zonuna Kawlni /

Thla thar April 21-a Aizawl Municipal Corporation (AMC) Inthlanpui neih tura chuh tumte tana hming pekluh theih hun chu nimin khan tawpin heng hming pekluh te hi naktuk-ah enfiah a ni ang.
 AMC Inthlan chuh tum te tana hming pekluh hun hi nimin tlai dar 3:00 khan tawpin Ward 19-a inthlan chuh tura hming pe hi mi 68 an awm a, heng te hi ZPM, MNF leh Congress atangin mi 19 theuh leh BJP atangin mi 11 te an ni a, an zinga mi 28 te chu hmeichhia niin ZPM leh INC atangin hmeichhe Candidate 9 ve ve, MNF atangin 7 leh BJP atangin 3 an awm a ni. Tun tuma AMC Inthlanna neih turah hian Ward paruk chu Hmei-chhia te tana hauh niin a bak Ward 13 chu mipa leh hmeichhia, a duh apiang ten an chuh theih tur a ni thung a ni.

AMC Inthlan chuh tuma hming pelut te tan hian March 30, 2026 tlai dar 3:00 thleng inhnuhdawhna hun hawn a ni dawn a, thla thar April 21, 2026 zing dar 7:00 atanga tlai dar 5:00 thleng Vote thlakna hun hawngin he inthlanna a Vote tla te hi April 27, 2026 zing dar 8:00 atangin chhiar a ni dawn a. Engemaw avanga Vote thlak that ngai ah chuan April 23, 2026-ah Vote thlak that tur a ni ang.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »