Advertisement chhuah tawh cancel chhan sawifiah

Zonuna Kawlni /

Health Minister Lalrinpuii chuan Health Department hnuaia hna lak tur atana Mizoram Public Service Commission (MPSC) in Advertisement a chhuah tawh cancel leh a nih chhan a sawifiah.

    Niminpiah-a Assembly thutkhawm ah MNF Member H. Lalzirliana zawhna chhangin Health Minister Lalrinpuii chuan Mizoram College of Nursing (MCoN) hnuaia thawk tur Assistant Professor panga (5) lakna tura July 31, 2025-a Advertisement chhuah tawh, January 28, 2026-a cancel a nih leh chhan House-ah a sawifiah a, UGC Regulation, 2018 chu MCoN hlawh bituk nan kum 2021 khan hman ve a nih thu sawiin, “He Regulation hi Service Condition dangah hman a la nih loh avang leh hman tur tho a nih bawk avangin November 11, 2025-a DP&AR huaihawtna hnuaia MPSC leh Health Department-te nena Joint Meeting chuan UGC Regulation hi tuna hnalak thar tur atanga a pumpuia hman ve law law nise a tih vangin MPSC advertisement chhuah tawh chu cancel leh a ni,” a ti a. “Advertisement hi MPSC chhuah a nih avangin Application submit zat Department-ah kan hre lo,” tiin Health Department ngenna angin Advertisment hi cancel a nih thu a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »