Super Specialist lawmpui

Hrangturzo Bialtu MLA leh Adviser to Chief Minister, Lalmuanpuia Punte chuan Mizo zinga naupang lam thiam Doctor (Pediatrician) Super Specialist hmasa ber leh a Bial chhunga mi Dr. F. Remthangpuii D/o F. Lalchawimawia, East Lungdar chu nimin khan a Pisa-ah lawmna thingpui inpuiin a kawm a, Doctor-ah pawh Super Specialist hi kan nei tam lo hle tih sawiin, naupang lam Super Specialist (Pediatrician) pangngai kan nei chu lawmawm a tih thu a sawi a, “Anni ang Super Specialist tan post awmsa kan nei mai lo chungin mipui ten a tangkai thei ang bera kan chhawr theih nan kan Health Minister bulah pawh a chanchin ka lo sawi anga, mipui ten a thiamna an chhawr tangkai theihna turin theihtawp ka lo chhuah dawn a ni,” a ti.

Dr. F. Remthangpuii hian Dr. NB/Super Specialist in Pediatric Critical Care chu Artemis Hospital, Gurgaon atangin a zirchhuak a ni.