Sub-Hqrs. YMA inkhawmpui neih hun tur ruahman fel

Serchhip Sub-Hqrs. YMA chuan kumin April 30 leh May 1 khian Sub-Hqrs. YMA Inkhawmpui neih nise an ti.
Inrinni khan Sub-Hqrs. YMA Serchhip Executive Committee (SEC) thutkhawm chu Sub-Hqrs. YMA Hall-ah neih niin kumin hi Sub-Hqrs. YMA Inkhawmpui neih kum leh hruaitu thlanna neih hun a nih avangin April 30, 2026 atanga May 1, 2026 chhung khian Inkhawmpui hi neih nise an ti a, Vantawng Group YMA ten he Inkhawmpui neih tur hi an thleng dawn a, hemi atana tul pawimawh hrang hrangte pawh SEC hian an duang nghal bawk a ni.

Hei bakah hian Sub-Hqrs. YMA SEC Meeting hian YMA Chhang te puala Mizo Hnam Lam leh Infiamna Kutpui neih tura lo rel tawh chu kumin March 12 khian nei turin ruahmanna an siam a. Electoral Roll Special Intensive Revision neih mekah Electoral Roll dik leh felfai kan neih theihna turin a theih anga thuneitute thawhpui an rel bawk.