Sports Minister in Naupang League a telpui

Reliance Foundation leh Mizoram Football Association (MFA) te buatsaih naupangte Football inelna chu Match 10,000 khelh tlin niin hemi pual hian Inrinni khan Aizawl Mualpui-a Rajiv Gandhi Stadium-ah hun hman a ni a, he hun hi Sports Minister Lalnghinglova Hmar chuan hmanpuiin India rama a vawi khatna ni turin Reliance Foundation chuan Mizoram-ah naupangte awmze neia Football an zirna turin League mumal tak a kalpui chu a lawmawm a tih thu a sawi a, he inelna, Naupang League tih hi Football hmasawnna atan bakah naupang chherchhuahna atan leh discipline kenkawhna atan duhthusam a nih thu a sawi bawk.

He Naupang League hi Aizawl, Lunglei, Champhai leh Kolasib-ah kalpui niin naupang kum 6-14 inkar te awmze neia Football inelna a ni a, kum 2022-a khelh tan niin a senso hi Reliance Foundation-in a tum a ni.