Mat lei-a zuangthla boral

Lunglei Lunglawn-a cheng Roneihtluanga chu nimin khan Lunglei leh Hnahthial inka, Mat Lei atanga zuangthlain ka pawh chhawn lohin a boral.

Thudawn danin kum 24-a upa Roneihtluanga S/o Laldintluanga, Lunglawn hi a thiante nen Mat lui-ah hian an kal a, Mat Lei hnuaia tui chu thuk taka ngaiin a zuangthla a, a zuanthlak hma hian a zuangthla lai te pawh Video a lo la turin a thian te a hrilh a, tui hi a lo pawn lawi deuh vangin a hnuai a lung-ah insawhin a boral nghal a ni.

He thil a thlen hnu hian a thian te chuan rang taka chhanchhuah hna thawkin an zuk bawih-sawm a, a bul lawka khaw awm, Dawn khua mi tlawmngai te pawh rei vak lovah an thleng a, tih tur tul te an tih hnuah District Hospital Hnahthial-ah Postmortem turin a ruang hi lak a ni a, Vawiin-ah vuiliam tur a ni ang. Roneihtluanga hi Two Wheeler Taxi khalh thin a ni a, tuichen thiam tak nia sawi a ni bawk.