Ruang phurh nan cheng nuai 197 chuang seng tawh

Social Welfare Minister Lalrinpuii'n ruang phurhna an ruahman hnuah ruang phurh nan Rs. 197,78,002 an seng tawh tih a sawi.

Nimin a Assembly Session zawhna leh chhanna huna Hrangturzo bialtu MLA, Lalmuanpuia Punte zawhna chhangin Minister Lalrinpuii chuan Mizoram sawrkar in ruang phurhna senso a tum hnuah ruang 1,888 phurh nan Rs. 197,78,0022 an sen tawh thu leh tunah process mek 74 a awm bawk tih a sawi a, kumin January ni 15 khan online kaltlanga ruang phurh man lak theihna portal an hawng tawh tih sawiin, Ruang phurhna atan tui kawng/speed boat hmanna bill phalsak a ni tawh a, ruang phurh kai man Rs. 1000/-  nih thu a sawi bawk a ni.

Social Minister Lalrinpuii chuan Tar Pension la tur inthun belh a har chhan zawhna pawh chhanga sawiin, Ministry in ceiling a pek avangin mitthi an awm chauhin an in thun belh theih thu leh a bak chu a dawngtu ngaiin an dawng reng thin tih a sawia, tun dinhmuna Ministry atanga Pension la thei zat pawh tarlangin, Tar Pension-Old age benefeciary an pek zat chu 24,524 a ni a, hmeithai pension 2,278, rualbanlo-ah 722, Onetime payment tia sawi thin BPL anmahni chhungkuaa eizawngtu ber an thih palh chuan Rs. 20,000 an pe thin a, chungte chu mi 197 niin a vaiin, 27,721 a ni tih a sawi bawk.