Naktuk atangin Budget Session neih a ni dawn

Mizoram Legislative Assembly Budget Session chu naktuk-ah neih tan a ni dawn a, inbuatsaihna peihfel a ni tawh. Ruahman lawk ang chuan naktuk chawhma dar 10:30-ah Assembly thutkhawm hi tan tur niin thutkhawm tan ni hian House-ah Larsap in thu a sawi anga, Larsap thusawi a lawmthu sawina Motion chu pulut nghalin hei hi Nilaini-ah sawiho tur a ni ang. Sawrkar kumthar 2026-2027 atana Mizoram Budget chu Feb. 26-ah Finance changtu Chief Minister Lalduhoma chuan a pharh ang.

Tun thlengin Assembly rorelna a ngaihtuah tur Dan thar siam tur pakhat leh Dan dinglai siamthatna tur Bill pathum a lut tawh a. Sawi hlawh tak Mizoram State University Act pawm tawh, a dinna hmun sawn a nih dawn avanga siamthat ngai chu Bill thehluh a la ni lo nia thudawn a ni a. Zawhna hi House chhunga chhan chi (Starred question) 1,190 leh ziaka chhan chi (unstarred question) 384 a lut tawh bawk a ni.