NABARD atangin vbc. 199 leh SASCI-ah vbc. 2345 puk

Zonuna Kawlni /

Chief Minister Lalduhawma’n sawrkar kum kal mekah NABARD atangin cheng vbc. 199.26 leh SASCI Loan cheng vbc. 2345.08 an puk tawh thu a sawi.

Assembly Session neih mak a zawhna ziaka chhangin Chief Minister Lalduhawma chuan tun sawrkar kal mekah NABARD atanga sum an puk zat chu cheng vbc. 199.26 vel anih thu sawiin, hei bakah hian SASCI Loan atangin cheng vbc. 2345.08 an puk tawh thu a sawi a. NABARD hnuaia Project turte chu Department hrang hrangin an proposal neih te Planning & Programme Implementation Department (RDB)-ah an thehluh thin thu a sawi a, Research and Development Branch (RDB) chuan a tul anga an zirchian hnuah Projects an pawm te chu High Powered Committee (HPC) on NABARD Meeting-ah pharh leh thin niin Rural Development a nihna anga hmasawnna khairual thei tur ang berin leh NABARD hnuaia allocation awm thei zat mil zelin Department hrang hrang sum puk te hi a sem darh thin thu a sawi bawk.

Hei bakah hian Chief Minister Lalduhawma chuan sawrkar kum kal meka Department hrang hranga sawrkar hma post ruak hnawhkhahna tura Finance Department in pawmpuina a pek atanga Sawrkar-in hlawh leh an hamthatna atana sum a sen belh tur hi kum khat atan cheng vbc. 111.25 vel nia chhut anih thu a sawi tel bawk.

Chief Minister Lalduhoma chuan India-a State 28 zinga Tax Devolution pung nasa ber zinga Mizoram a tel thu pawh sawiin, Financial Management a an tihthat avangin lawmman tam tawk tak an dawng dawn tih a sawi a. India-a State 28 zinga State 9 chiahin Tax Devolution-ah a hma aia tam an dawng a, chung zingah chuan Mizoram telin, Hmarchhak State zingah phei chuan Assam nen chiah an tel thu leh Tax Devolution punna zaa 23 vel nia a hriat thu sawiin, “A sang hle,” a ti a, Delhi tlangah hmelhriat tha an nei ve lo chunga Tax Devolution pung nasa ber zinga Mizoram a tel chu Pathian Malsawmna a nih thu a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »