MUHCS-ah 20,198 inziaklut

Kumin (2026) January thla laihawl thleng khan Mizoram Universal Health Care Scheme (MUHCS)-a inziaklut chhungkua 20,198 an awm tawh. Thudawn danin Mizoram State sawrkar in a kalpui MUHCS hnuaiah inziaklut an awm belh zel a, he ruahmanna kalpui a nih tantirh atanga kumin January thla laihawl thleng khan Scheme hnuaiah hian chhungkua 20,198 an inziaklut tawh a, hei bakah hian Sawrkar hnathawk leh an chhungte, Sawrkar hnathawk Pensioner leh an chhung bakah ABPM-JAY hnuaia Golden Card neite chu thun sa an ni. MUHCS hman a nih atanga January ni 16 thleng khan damlo 68,022 enkawlna senso cheng vbc. 115.25 pek a ni tawh a, he Scheme hman theihna damdawi In pawh a awm belh ve zel bawk a ni.