Phar natna vei 10 awm mek

Mizoram-a Phar natna vei mi 10 an awm mek tih Zirtawpni kaltaa ‘World Anti-Leprosy Day 2026’ puala Health Worker Training School, Kulikawn-a hun hman ah tarlan a ni a. He hunah hian Dr. Lalawmpuia Chhangte, Jt. Director (FW) leh State Leprosy Officer, NHM, Mizoram chuan Mizoram-ah kum 1996 atangin Phar natna vei hmuhchhuah a nih thu sawiin, hemi atanga tun thlengin Mizoram-ah Phar natna vei 1563 an awm tawh thu a sawi a. Kum 2024-25 chhungin mi 7 enkawl dam an nih thu leh tun dinhmunah Mizoram-ah Phar natna vei mi 10 an awm mek thu sawiin, heng te hi Aizawl-ah 3, Lunglei-ah 3, Lawngtlai-ah 2 leh Serchhip leh Kolasib-ah pakhat ve ve an nih thu a sawi bawk.