MTKP Rorel vawi 72-na nei

Zonuna Kawlni /

Mizoram Baptist Kohhran-a thalai pawl, Mizoram Thalai Kristian Pawl (MTKP) Rorel vawi 72-na chu tunkar Ningani khan Lawngtlai Electric Veng-a BCM Biak In-ah neih a ni.

Kumin a MTKP Rorel Inkhawm hi an President Upa R. Lalbiakzuala chuan kaihruaiin Report hrang hrang ngaihthlak a ni a, an thurel zingah ‘Platinum Jubilee pualin Christian Hospital Serkawn-a dah tur Ventilator khawl pakhat lei a dah ni se’ tih chu hmalak chhunzawm zel tura dahin, Mahni intihlum kan tlem theihna tura inzirtirna neih nise tih chu an pawm a. Missionary-te tana chawnghei tawngtai neih leh Thlarau bo man beihpui thlak hmalak chhunzawm bakah MTKP Standing Prayer Points neih te an rel bawk.

Tun tumah hian TKP Unit aiawh mi 407, Bial aiawhin mi 184 leh MTKP Executive mi 42 kalin Palai kal thei zat tura beisei mi 680 atangin za zela 93 an kal thei a ni. Tun dinhmunah TKP Member hi mi 52,309 awmin, mipa 31,399 leh hmeichhia 20,910 an ni a, MTKP hnuaiah Bial 92 leh Unit 452 awmin kum 2025-2026 chhungin Unit ding thar 7 (Pasarih) an awm a. Nikum Rorel leh kumin a Rorel Inkhawm karah Member boral mipa 139 leh hmeichhia 27, an vaiin mi 166 an awm a. Innei tuak 602 awmin, Kohhran Dân Puitlinga innei tuak 400 leh Dân tea innei tuak 202 an awm a. Feb. 25 atang khan TKP Platinum Jubilee lawmna neih a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »