Manipur-a President's Rule puan chu hlih a ni ta

Zonuna Kawlni /

President Drouapadi Murmu-i chuan Manipur-a President's Rule puan mek chu a hlip a, Manipur-ah hian BJP kaihhruai sawrkar thar a piang dawn a ni.

Nikum (2025) February ni 13 khan Manipur-ah hian President’s Rule hi puan a ni a, kum khat dawn President’s Rule-a an awm hnuah nimin khan Union Home Ministry chuan hemi chungchang ah hian thuchhuah siamin President Murmu-i chuan ram Danpui Article 356 tlawhchhana Manipur-a Presidents Rule puan mek chu hlih a nih thu a tarlang a ni.

Manipur-ah hian BJP kaihhruai sawrkar thar a piang dawn a, niminpiah khan NDA Legislature Party inhmukhawm chuan Minister hlui Y. Khemchand Singh chu an Leader atana thlangin Manipur Chief Minister thar tura thlan a ni a. Kuki hruaitu leh Minister hlui Nemcha Kipgen chu Deputry Chief Minister atana thlan a ni bawk. New Delhi-a BJP Headquarters-ah niminpiah khan BJP Legislature Party te hi an thukhawm a. He thutkhawmah hian BJP MLA 37 zingah 35 an tel thei a. BJP Central Observer Tarun Chugh, BJP North-East Incharge Sambit Patra leh BJP State President A. Sharda Devi te pawh an tel a ni. Hemi hnu nimin khan Y. Khemchand Singh hian State sawrkar a siam theih thu hi Governor Ajay Kumar Bhalla hnenah a thlen a. nimin tlai dar 6:00 khan Sawrkar thara Chief Minister leh Deputy Chief Minister te hi rinawmna thu tiamtira lakluh an ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »