Council of Minister thutkhawm neih a ni

Nimin khan Chief Minister Lalduhoma hovin Council of Ministers thutkhawm neih niin sawrkar thil pawimawh hrang hrang sawiho a ni.

Chief Minister Office Cabinet Room-a thutkhawm neih ah hian Cooperation Department atanga lut, The Mizo-ram State Cooperation Policy, 2025 chu pawm a ni a, School Education Department atanga The Mizoram Education (Lumpsum Grants -in-Aid for General Maintenance of Private School) Rules, 2025 chu pawm niin, he rawtna hnuaiah hian School Qualify te chu Provincialised nise an ti a. Dan anga (formality) tihfel ngai te tihfel a nih hnuah Law Department endik (Vet) tur a ni a, chumi hnuah Finance Department leh DP&AR paltlang a ngai leh dawn a. Hei bakah hian Proposal for revocation of counting of past service provision in Notifications pawh pawm a ni bawk.

Home Department atanga lut Proposal for deliberation and formulation of the State Government's opinion on the intention of the Government of India to fence Indo-Myanmar Border chu pawm niin ramri hung chungchang ah hian Mizoram sawrkar chu a dinna ngaiah a la ding a. Amaherawh chu Central Subject a nih avangin State sorkar chuan dodal theihna a nei lo. Home Department atanga The Mizoram Home Guards Rules, 2025 lut pawh pawmin GAD atanga Draft Sialkal Range Development Council Bill, 2026 pawh pawm a ni a, Proposal for amendment of the Mizoram Private Security Agencies Rules, 2022 by notifying the Mizoram Private Security Agencies (Amendment) Rules, 2026 chu pawm a ni bawk.

Heng bakah hian Mizoram Jan Vishwas (Amendment of Provisions) Bill, 2026; Draft the Mizoram Drug treatment-cum-Rehabilitation Centre Accreditation Rules, 2026, Proposal for adoption and implementation of Charter of Financial Advisers leh Mizoram State Project Monitoring Committee (MSPMC) Annual Report 2024-2025 te pawh pawm a ni bawk.