Lengpui-a ram lak chhui turin CBI ngen dawn

 ZPM Party chuan Indian Air Force ram lak chungchanga thudik hriat theih nana chhui chiang tura ngenna chu naktuk khian  CBI hnenah thlen an tum thu an sawi.

February ni 4, 2026 (Nilaini) khan Mizoram Council of Minister (CoM) meeting chu chawhma dar 11:00 aṭangin neih a ni a, CoM meeting zawh veleh ṭhufual zuiin Indian Air Force ten Lengpui leh Sihphir ram an lak tur chungchang ngun takin a ngaihtuah a, sawiho zui nghal niin mipui ten thudik an hriat theih nan hemi chhuichiang tura ngenna chu Central Bureau of Investigation (CBI) ah ZPM Media Committee Chairman, Pu B. Lalchhanzova, Minister hmingin February Ni 6 (Zirtawpni) 2026 hian thehluh ni se tiin a rel a ni.

ZPM hotute chuan Zoram mipui ten hemi chungchanga thu chiang tak an hriat thuai ṭha an tih thu sawiin, chutih rualin, MPCC ten VUC chhui chian an lo ngiat ve ngawt mai chu thil kawngkal lo tak nia a lan thu an sawi a. A kawngkal dika CBI hnêna 'direct'-a chhui tura ngenna thehluh mai tur a nih laiin; a kual thei ang bera MNF ten Mizoram State Chief Secretary - Chief Vigilance Officer (CVO) chelh teltu hnêna ngenna thehluh an tum pawh lo chawlhsan mai tur leh; chak zâwka 'investigation' kalpui a nih theih nâna dik thlap (proper channel)-a CBI hnêna 'direct'-a FIR thehluh hi lo ngaichâng mai tura an ngen thu an sawi a ni.