Chief Minister hovin thukhawm

Nimin khan Chief Minister Lalduhoma kaih-hruai Empowered Committee on Investment chu Chief Minister Conference Hall-ah thukhawmin Mumbai-a inbun FC Tech Energy chuan Plastic Waste atanga Fuel Cell leh Sustainable Energy an siam dan sawifiahna (presentation) pein Mizoram-ah chutiang hmunpui chu din an duh thu an thlen a. An ram mamawh tur ang te, tui an mamawh zat tur leh Power an mamawh zat tur te an sawi bawk. Empowered Committee on Investment chuan a thuphungin FC Tech Energy te dilna hi pawmsak phawt nise an ti a. Mumbai-a an Plant tlawh a, zirchian nise tiin an ram mamawh zat han pek theihna tur laite an sawiho bawk.

Hei bakah hian Khuangleng-a Opickpure Private Limited ten Ginger Processing Unit an sak mek chungchang report ngaihthlak a ni a. Opickpure nen hian Mizoram sawrkar chuan September 20, 2025 khan inremna (MoU) a lo ziak tawh a, Company hian cheng vbc. 2.50 sengin Processing Unit an sa mek a, an zo tep tawh a. Sawrkar chuan Investment & Industrial Policy angin an mamawh thenkhat siam sakin Sawrkar hmalakna pawh hi a zo thawkhat tawh a ni.