Leimin tur hriatlawk theihna khawl entirna nei

Leimin tur hriatlawk theihna atana inralrinna (Warning) pechhuak thei, Early Landslide Realtime Monitoring System khawl chu nimin khan DM&R Minister Prof. Lalnilawma hmaah entir chhin a ni a, he khawl hian rang takin 0.5 seconds lek chhungin Realtime data cloud-ah a thawn anga, chu chuan Warning System a hmangtute Control Center-ah a pe dawn a ni. Leimin thlen theitu (factor) hrang hrang atangin sensors transducer hman a ni a; information data base a keng tel nghal a, webservice bakah direct realtime alert phone call leh sms a thawn nghal thei bawk a ni. Hei bakah hian point to point communication protocol hmangin internet leh mobile data a down pawhin sensor reading leh alert a la thawnchhuak zel thei bawk a ni.