Handholding Scheme Phase 2 hnuaia dilna lut pawm

Mizoram State Policy Coordination Committee (MSPCC) chu niminpiah khan Planning & Programme Implementation Department Committee Room-ah Vice Chairman Dr. KC. Lalmalsawmzauva hova thukhawmin Handholding Scheme Phase 2 hnuaia dilna lutte an thlirho a, CM Special Package hnuaiah dilna 372 leh Loan dilna 134 an pawm a ni. He Meeting-ah hian Partner Bank hrang hrang hmalak tawhna te enho a ni bawk a. February ni 9, 2026 thleng khan SBI in Progress Partner 82 hnenah loan Rs. 7,52,09,912 pe tawhin Mizoram Rural Bank in Progress Partner 260 hnenah loan Rs. 20,61,02,150 pe tawh a. Mizoram Cooperative Apex Bank in Progress Partner 42 hnenah loan Rs. 5,90,77,866 an pe tawh bawk. Heng bakah hian Partner Bank dang IDBI Bank leh Union Bank of India te nen nasa zawka thawhhona neih nise an ti bawk.