KVK Serchhip District hmalakna tur pawm a ni

Krishi Vigyan Kendra (KVK) Serchhip District 16th Scientific Advisory Committee (SAC) thutkhawm chu niminpiah khan North Vanlaiphai a KVK Conference Room-ah neih a ni.
    KVK Serchhip District Scientific Advisory Committee (SAC) thutkhawm hi Agriculture and Farmers Welfare Department-a Joint Director leh SAC Chairman chuan hmanpuiin KVK nihphung, kalphung leh hnathawh dan tlangpui Line Department hrang hrang leh kalkhawmte hmaa sawifiahin inlawmna thu a sawi a. Member Secretary leh KVK Serchhip District-a Senior Scientist & Head, Dr. T. Vanlalngur-zauva chuan kum kalta chhunga KVK hnathawh langsar zualpui a tarlang a, Subject Matter Specialist (SMS) panga - (Agronomy, Animal Science, Soil Science, Home Science leh Agricultural Engineering) ten an Subject theuha an hmalakna (Annual Report) leh tun kum (2026)-a an hmalakna tur (Annual Action Plan) theuh sawifiah bawkin, heng te hi sawihona neih a nih hnuah lungrual taka pawm a ni bawk.