Kum 25 hnuah ECI-in SEC Conference buatsaih dawn

Election Commission of India (ECI) chuan February 24 khian ram pum huap State Election Commissioners (SECs)-te inkhawmpui chu a buatsaih dawn a, State leh Union Territories tina State Election Commissioner te chu New Delhi Bharat Mandapam-a huahawt tur he inkhawmpui-ah hian tel vek tura beisei an ni.

Chief Electoral Officer (CEO) Pisa atanga thudawn danin tun tuma National SEC Conference neih tur hi kum 25 hnua buatsaih leh hmasak ber tur niin hetiang Conference neih hnuhnung ber chu kum 1999 khan a ni a, tun tumah hian Mizoram Chief Electoral Officer (CEO) bakah State Election Commissioner leh an thawhpui, a bikin mithiamte pawh an tel ve dawn a ni.

Chief Election Commissioner (CEC) Gyanesh Kumar chuan he Conference neih tur hi a kaihruai anga, Election Commissioner pahnih Dr. Sukbhir Singh Sandhu leh Dr. Vivek Joshi te pawhin State Election Commissioners-te lawmna thu an sawi bawk ang. He inkhawmpui koh chhan leh tum ber chu inthlanna buatsaih leh a kaihhnawih kawnga ECI leh SEC ten thawh-hona tha an neih theih na'n a ni a. He huna telte hian State/UT tina inthlan kaihhnawih dan (laws) te, tunlai thiamna a bikin ECI in an siam thar ECINET hman tangkai dan tur leh EVMs chungchang te an sawiho bawk dawn a ni.