Kawngpui tha neih phutin Kolasib-ah kawngzawh a ni

Kawngpui tha duhna avanga din, JAC on National Highway, Kolasib bultumin nimin khan Kolasib Diakkawn YMA Hall kawt atangin mi thahnem takin Fur ruahtui tlak hmaa Mizoram ei leh bar lakluhna kawngpui siamthat phutin kawng an zawh a, he kawngzawh-a tel te chuan Kolasib District chu kawng hrang hrangin hlamchhiah an nih thu sawiin, kawngpui chungchangah District thuneitu te bakah NHIDCL leh an hnuaia Contractor te pawh tum engemawzat an thutkhawmpui tawh thu sawiin, heng hian awmzia a neih loh thu an sawi a, Contractor te chu heng huna an intiam anga an awm zui ngai loh thu leh hmasawnna hmuh tur a awm loh thu te tarlangin, NHIDCL General Manager BK Srivastava chu Mizoram chhuahsan tura an duh thu an tarlang bawk a ni.

Kawngzawh hnu hian JAC hruaitute hi NHIDCL Office-ah lengin an inkawm a, JAC Resolution te thlir hovin, NHIDCL hnuaia National Highway contractor hrang hrang ten an chin theuh ah  March ni 15 ralhmain kawngpui te chu zaa 75 tal siam zo ngei turin inremna an ziak a ni.