Lok Sabha MP in NIT Mizoram chungchang thlen

Lok Sabha MP Richard Vanlalhmangaiha chu nimin khan Union Minister of State for Environment, Forest & Climate Change Kirti Vardhan Singh-a Office, Parliament-a lengin NIT Mizoram-in Forest Clearance an hmuh theih loh avanga hna thawh theih a nih loh thu a thlen a. Mizoram Sawrkarin tih tur tul zawng zawng a tihfel tawh thu hrilhin, Central Ministry lamin a rang lama tihfelsak turin Minister hi a ngen a. NIT chu Mizoram tana Institution pawimawh tak a ni tih sawiin, thangthar lo la awm zel turte tan zirna In chhenfakawm tak a nih tur thute a sawi bawk a. Union MoS  Kirti Vardhan Singh pawhin a rang lama tihfelsak vat turin hma a lo laksak tur thu Lok Sabha MP hi a lo hrilh ve bawk a ni.